سلاني سل فركَاك واثر بالجفون
ومن كثر دمعي عليك ذبيت العيون



ناشدت كل مسؤول وكلمن يحبك
فاصلني وك شلون من هذا گلبك



كون الله لاخلاك يالصحت باسمه
رف كلبي مثل الطير ياهو اليلزمه

كون الوكت سلاك كل ساعه سله
انه احسب العلات عله اعلى عله


هانت جروحي وياك وانت زرعتهن
لو تروي بالجمات لو يبستهن



نـــص الكَلّب مبيوع نص يمك انته
ليش ابكَبر من نار نصك شمرته ..,



هانت العشره اوياك يالناكر الزين
روح الله لاينطيك يل جرحك اثنين



ناذر ادگ هوسات من اسمعك جيت
وتگلب العتبة اوروود لو الهة خطيت




تدري انت لو زعلان شتسوي بيه
انه ودليــلي ويــــاك نزعل علي